Nýggj prísskipan - Tryggja tær bestu ferðasømdir

Oyggjaleiðir

8. apríl 2025 verða prísirnir á okkara oyggjaleiðum dagførdir

Vit mæla tí øllum okkara kundum til at stovna sær ein brúkara í okkara bíleggingarskipan, og at skráseta sítt p-tal á sínum brúkara.

Á tann hátt tryggjar tú tær besta prísin og bestu ferðasømdir.

 Soleiðis skrásetur tú títt p-tal

Trý sløg av ferðaseðlum

Á oyggjaleiðunum verða nú trý sløg av ferðaseðlum:

Staðprísur – kostnaðurin fyri teg, ið keypir ferðaseðil, tá tú keypir umborð.
Netprísur – kostnaðurin fyri teg, ið keypir ferðaseðil á booking.ssl.fo.
Netprísur (búsitandi í Føroyum) – kostnaðurin fyri teg, ið keypir á booking.ssl.fo og ert búsitandi í Føroyum. 

 Soleiðis váttar tú tín bústað

Árskort

Tá ið nýggja prísskipanin tekur við, verður møguligt at keypa sær árskort til ávikavist akfar og vanl. ferðandi til ávísa farleið, ið síðani gevur størri avsláttur, jú meiri tú ferðast á valdu farleiðini. 

Árskortið kemur tí ístaðin fyri virðiskort og mánaðarkort, og kunnu hesi tí IKKI endurnýggjast á Oyggjaleiðum eftir 8. apríl. Tó ber framvegis til at ferðast við skúlakorti á Oyggjaleiðum (Mykinesleiðin undantikið), eins og áður.

Lýsingarfilmur

Trýst á lýsingarfilmin niðanfyri: 

Meira kunning

Stovna brúkara her, og tryggjað tær bestu prísirnar.

Sí brúkaravegleiðingar

Sí nýggju prísirnar á Oyggjaleiðum, galdandi frá 8. apríl

Bygdaleiðir

8. apríl 2025 verða prísirnir á okkara bygdaleiðum eisini dagførdir:

Prísurin á øllum einkult ferðaseðlum hækkar við 5 kr. fyri

Prísurin á øllum mánaðarkortum hækkar við 50 kr. 

Sí dagførdu prísirnar á Bygdaleiðum, galdandi frá 8. apríl

Við Bygdaleiðum ber framvegis til at nýta mánaðarkort, skúlakort og virðiskort sum gjaldshátt.