Seinastu tíðina hava nógvar og áhaldandi seinkingar verið á fráferðum hjá Smyril – bæði av Krambatanga og úr Tórshavn.
Høvuðsorsøkin til hesar seinkingar hevur fyrst og fremst verið stóri tørvurin á farmaflutningi á leiðini, ið væntandi eisini heldur fram komandi tíðina. Eisini kann væntast, at veðrið hesa ársins tíð, kemur at hava sína ávirkan onkrar dagar.
Okkara starvsfólk á skipi og á landi gera alt fyri at skipa seg soleiðis, at stóri eftirspurningurin eftir flutningi, ávirkar ferðaætlanina sum minst. Í verandi støðu, slepst tó ikki undan seinkingum á ávísum túrum - serliga mánadag, mikudag og hósdag.
Vit biðja tí ferðafólk og kundar halda okkum til góðar.