Virðiskort

Hvat er eitt Virðiskort?

Virðiskortið er til tín, ið ferðast ofta á ymsum farleiðum, ella bert av og á somu ella á ymsum farleiðum, men tó ikki regluliga. Tú flytir pening inn á Virðiskortið, og so ferðast tú til peningurin er uppi.

Ferðast tú tó regluliga á somu farleið, er Mánaðarkortið helst betur hóskandi fyri teg.

Hvar kann eg keypa Virðiskort?

• Virðiskort uttan skrásett navn kann keypast í øllum bussum og umborð á øllum skipum.
  
  
• Virðiskort við skrásettum navni kann keypast á Farstøðini í Tórshavn ella á Høvuðsskrivstovuni á Tvøroyri, har navn kann prentast á kortið. Um navn er prentað á kortið, ella um kundin minnist kortnummarið, ber til at flyta innihaldið yvir á nýtt kort, um kortið verður burturmist. Nýtt kort kostar 50 kr.

Hvat kostar eitt Virðiskort?

Kortið sjálvt kostar 50kr.

Hvussu nógv kann eg fylla á Virðiskortið?

Tað ber til at fylla millum 250kr. og 3.000kr. inn á kortið.

Hvussu nógv fái eg í avsláttri við Virðiskorti?

Virðiskortið gevur 15% í avsláttri.

Hvussu fylli eg á Virðiskortið?

Nýtt virði kann fyllast á kortið bæði í bussum og á skipum umframt á Farstøðini í Tórshavn.

Eg havi mist mítt Virðiskort burtur, og eg hevði pengar eftir á kortinum. Kann eg fáa tað flutt yvir á eitt nýtt Virðiskort?

Um navn er prentað á kortið, ella um kundin minnist kortnummarið, ber til at flyta innihaldið yvir á nýtt kort, um kortið verður burturmist. Nýtt kort kostar 50 kr.

Kann eg gera áfylling á Virðiskortið á netinum?

Tað ber tíverri ikki til at fylla pening á kortið á netinum.

Ber til at hava Mánaðarkort inni á Virðiskortinum?

Ja, tað ber væl til at hava bæði virði og mánaðar inni á sama korti. Tá ferðaseðil verður keyptur, er tó umráðandi at boða frá, um gjaldast skal av virðinum ella um mánaðin skal virkjast.

Ber til at brúka Virðiskorti til bilar?

Virðiskortið kann nýtast á øllum farleiðum til persónbil <5m.